Қырғызстан мен Қазақстандағы байларды тап ретінде жою саясаты: салыстырмалы талдау
Кілт сөздер:
байларды тап ретінде жою, бай, демографиялық әсер, ашаршылық, қоныс аудару, Қырғызстан, ҚазақстанАңдатпа
Мақалада 1920-1930 жылдардағы кеңестік ұжымдастыру жағдайында Қазақстан мен Қырғызстандағы байларды тап ретінде жою саясатының жүзеге асырылу ерекшеліктері қарастырылады. Басты назар екі республикадағы байларды тап ретінде жою үдерісін, бұл саясаттың экономикалық, әлеуметтік және мәдени салдарын салыстырмалы талдауға аударылады. Сондай-ақ, жұмыста байларды тап ретінде жоюдың негізгі тетіктері, қуғын-сүргін ауқымы, жергілікті халықтың қабылдауы, сонымен бірге ұлттық және аймақтық ерекшеліктердің саясаттың барысы мен салдарына әсері қарастырылған. Мұрағат құжаттарын, статистикалық мәліметтерді және ғылыми жарияланымдарды талдау негізінде байларды тап ретінде жоюдың ауыл шаруашылығы саласының өзгеруіне, көші-қон үдерістеріне және өңірдегі демографиялық жағдайға қалай әсер еткені анықталды. Алынған нәтижелер байларды тап ретінде жою саясатының дәстүрлі шаруашылық құрылымдарға кері әсерін тигізіп, ауқымды демографиялық, әлеуметтік және мәдени өзгерістерді тудырғанын көрсетеді.
